IMIDLALO yomlenze wokuqala wemidlalo yendulela owamanqumu eMTN 8 ebidlalwa ngempelasonto ezinkundleni ezahlukene ifaniswe nefayineli uqobo lwayo. Noma ngabe kunjalo, kodwa abanye basale bebambe ongezansi emdlalweni obuphakathi kweKaizer Chiefs naMaZulu FC, eFNB Stadium, eGoli ngeSonto.
I-Orlando Pirates igcine ikuyekile ukuboza ibhekene neMamelodi Sundowns ngemuva kokudlala ngokulingana kuba ngu-0-0 emlenzeni wokuqala we-semi final yeMTN 8 e-Orlando Stadium ngoMgqibelo. EzikaJose Riveiro zidale amathuba angcono ngalolo suku futhi mhlawumbe libe nebhadi lokungatholi ngisho igoli elilodwa emlenzeni wokuqala njengoba lamaqembu kulindeleke ukuthi aphinde atholane emlenzeni wesibilin ozokuba sePeter Mokaba Stadium ngo-Okthoba 22.
AmaBhakabhaka okufike kwagqama kulomdlalo wukuthi abelwela ukubuyisa isithunzi sokuphuzwa inyongo ngama-Brazillians asewahlule emidlalweni emihlanu kulandelana namaBrazilians, kusukela ngoJanuwari 2020. IPirates yenze kahle njengoba ithole ithuba esiwombeni sokuqala yase ivivinya uRonwen Williams amahlandla amabili. Izivakashi ziqale ukusabisa ngemizuzu eyisishiyagalolunye ibhola ebelibekwe uThemba Zwane epalini, kwathi u-Olisa Ndah walibuyisela kolunye uhlangothi u-Olisa Ndah wahluleka ukuzwa ukuthi uqine kangakanani uWilliams emizuzwini emithathu eshaya ishodi elisuka ebangeni lasuka laya kwesokudla.
Umfana omusha weBucs, uNdabayithethwa Ndlondlo, ushayele uWilliams inkunzi yeshodi ekude ngemizuzu engu-17. AmaSea Robbers asondele ekunqamuleni umkhondo ngehora lesigamu sehora ngesikhathi uSaleng ebuyisela ibhola endaweni eyingozi ngemuva kokuthi iDowns isuse ikhona kwathi uSibisi waphosela uWilliams ngekhanda ibhola emuva. Khonamanjalo umdlalo owandulela owamanqamu weMTN8 obuphethwe unompempe uVictor Gomes kushiya abalandeli bebhola bebambe ongezansi ngesikhathi ekhipha amakhadi abomvu angu-3 ngesikhathi iChiefs ibamba AmaZulu.
Unompempe uVictor Gomes unikeze abadlali abathathu umyalelo wokuphuma enkundleni njengoba iKaizer Chiefs bekufanele iphume ngemuva ukuze iqinisekise ukuthi ibambana ngo 1-1 naMaZulu emlenzeni wokuqala owandulela owamanqamu weMTN8 eFNB Stadium ngeSonto. UVeluyeke Zulu noGabadinho Mhango bobabili bakhishwe ngekhadi elibomvu. Khona manjalo, uLehlogonolo George Matlou, weKaizer Chiefs ongavamisile ukusetshenziswa naye ukhishwe ngekhadi elibomvu. Amakhosi abedinga igoli esiwombeni sesibili elifakwe uKeagan Dolly ukuze esule igoli likaGabadinho Mhango ngemizuzu engu-13 esiwombeni sokuqala, lathulisa izihlwele.
