AMAPHOYISA esifazane kanye nawezinye izinhlaka emibuthweni yezokuphepha kahulumeni ehlukene ayigubhe ngesitayela inyanga yokuhlonipha nokukhumbula amagalelo abesifazane abamashela emahhovisi kahulumeni ePitoli, ngo-Agasti 9, 1956.
Kusukela lenyanga iqaliwe ngaphansi kohlelo i-Operation Basadi bekunemikhankaso ebihambisana nezivimbamgwaqo kwezinye izindawo kusebenza amaphoyisa abesifazane ukuqinisekisa ukuphepha komphakathi njengengxenye yokubungaza lolusuku.
Ngaphandle komkhankaso wokuphepha zikhona nezinye izinhlelo zokunakekela abahlwempu ebeziqhutshwa amaphoyisa esifazane, ukwabelana ulwazi ngezindlela zokuhlukumezeka. Lezi zinhlelo beziqhutshwa amaphoyisa asebenza eziteshini ezahlukene okuhlanganisa neziseThekwini namaphethelo.
Ukuqhamuka namasu amasha okunciphisa ubugebengu emphakathini amaphoyisa esebenzisana nomphakathi olunye lwezinhlelo eziseqhulwini ukubungaza lenyanga yabesifazane.
