I-AFRICAN National Congress (ANC) neDemocratic Alliance (DA) kuMasipala waseThekwini kwamanye amawadi asentshonlanga yaleli dolobha, lezi zinhlangano zikwazile ukuwavikela ngenkulu impumelelo okhethweni oluhulumeni basekhaya obelungoMsombuluko odlule.
Kulolu khetho amaqembu amaningi abephuma engena enxenxa amavoti bekunzima ukusho ukuthi kungenzeka kube neqembu elizoqhubeka nokugcima iwadi njengoba wonke amaqembu cishe abenesikhathi esifushane sokukhankasa futhi nemithetho yokhuvethe ibingabanikezi ukukhankasa ngokukhululeka.
ENtshonalanga yeTheku i-DA ebonakale iliqembu elibonakale lingenisa kulolu khetho, yemuke i-ANC, u-ward 9. IKhansela elisha lale wadi ehlanganisa izindawo zaseMolweni, iCrestholme ne-Waterfall manje sekunguKhansela Nonsikelelo Pearl Msomi ozalwe wakhulela Khoza eMolweni. Le wadi ibiholwa nguMnuz Patrick Mncube, ngaphansi kobuholi be-African National Congress (ANC) njengoba seyibuye yathathwa yiDemocratic Alliance.
Ngaphambi kokuba uKhansela Msomi ajoyine i-DA okuthe ngokhetho olwedlule luka-2016 waqokwa njenge PR yeqembu, ubengunobhala woPhiko lwentsha ye-ANC. Ezombusazwe uzihlanganise nazo ngo-2007, kwathi i-DA wayijoyina ngo-2014.
Ukuwina kwami kungenze ngabona ukuthi umphakathi uyayibona imizamo yokulekelela umsebenzi ngeseyi PR Councillor.Kodwa akubanga lula ukunqoba ngoba bekunzima, kusho ukhansela Msomi obonge umphakathi kanye neqembu ngokumethemba.
Mayelana nomlando wakhe omfushane amabang aphansi uwenze khona eMolweni, wafunda KwaDinabakubo waze waqeda khona amabanga aphezulu, ngemuva kwalokho wadlulela ePC Training and Business College. Usebenze kakhulu nomphakathi, egada izingane zasemphakathini waseMadimeni, enzisa umsebenzi wesikole ezilekelela essizana nomakhelwane wakhe uNks Thule Mbatha. Ngaba yingxenye ye enculturation kwezemidlalo khona eMolweni, usho kanje.
Ku-Wadi 10, uKhansela Tex Collins ugcine isikhundla sakhe elinye ihlandla.Le wadi ihlanganisa izingxenye zePinetown, Kloof, Gillitts kanye neHillcrest.
Ikhansela le-DA, uMelanie Brauteseth uzoqhubeka ehlandla lesibili kuWadi 18. Iwadi yakhe ihlanganisa i-Pinetown CBD, Farningham Ridge, Hatton Estate, Paradise Valley, Cowies Hill kanye neChiltern Hills. Ubonge kakhulu umphakathi kanye neqembu ngokumethemba nokubona ukuthi umsebenzi uyenziwa. Ngesikhathi exoxa naleli phephandaba uthe uzoqhubeka lapho egcine khona.
Nokho kuWadi 21 i-ANC iyigcinile kwathi ikhansela elisha kwabanguKhansela Nelly Nyanisa ongene esikhundleni ebesiphethwe nguMnuz Mfanafuthi Mfana Qwabe.
IWadi 21 ihlanganisa iNew Germany nezinye izingxenye zaseClermont, ku-Ward 22 i-ANC nayo le wadi ibuye yayigcina kodwa ikhansela elisha sekunguKhansela Vumile Madlala.
