BEKUYINJABULO yodwa kubafundi abangu-10 abaphase u-matric ngamalengiso base-Archie Gumede Zone ngesikhathi benzelwe umcimbi wokubabonga ngokuphakamisa iClermont. Lomcimbi obuhlelwe yiClermont-KwaDabeka Parliamentary Constituency office ngaphansi kukaMnuz Cyril Xaba oyilungu leSishayamthetho kulesi sifundazwe ngokubambisana nezinye izinhlaka kubalwa nethimba layo i-Archie Gumede Zone ububanjelwe eClermont Sizakala Centre, Auditorium. Ubuhanjelwe abaholi bemikhakha eyahlukene okubalwa kubo obenguSotswebhu omkhulu kaMasipala weTheku, uDkt. Archbishop Sibongiseni Mkhize, uMnuz Chris Phili uSihlalo weClermont/KwaDabeka Tourism Organisation ukubala abambalwa.
