KUQOPHEKE umlando enxanxatheleni yezitolo iNyala Centre, esigcemeni sakwa-L KwaMashu enyakatho yeTheku ngesikhathi kuvulwa ngokusemthethweni esinye sezitolo zokudla ezihamba phambili, iGalitos njengesiqalo sokusebenzisana nesikhondlakhodla senkampani uBoxer onenxanxathela yezitolo kulo lonke leli laseNingizimu Afrika.
Ngesikhathi sivulwa lesi sitolo ngokusemthethweni kubonakale injabulo kumakhasimende abezothenga esitolo sakwaBoxer ngesikhathi ezithela esitolo sakwaGalitos osedla ngakhezo lunye noBoxer njengoba beKwaMashu SuperStores.
IGalito’s kwa-Boxer KwaMashu ivulwe ngokusemthethweni e-Superstore ngoMsombuluko, mhlaka 15 Agasti, okuzokwethula inkathi entsha yokusebenzisana nokuba lula embonini yezitolo ezinkulu kanye nezitolo zokudlela.
Ephawula ngalomshado uChris Theron, oyi-Group Executive Operations yakwa-Boxer uthe ukuvula (kweGalito’s) ngaphakathi kwa-Boxer kuyisinyathelo esisobala esizokwengeza ukunethezeka nokubaluleka okwengeziwe kokuhlangenwe ngakho kubathengi bakwa-Boxer njengoba bebeka umphakathi namakhasimende phambili.
“I-Galito’s ingumkhiqizo waseNingizimu Afrika omuhle futhi oziqhenyayo ohlinzeka ngokudla okusezingeni lomhlaba ngamanani akholekayo. Lokhu kwenzeke ngenxa yomqondo ojulile njengeDiscounter eyintandokazi yaseNingizimu Afrika ukusebenzisana nabo futhi kunikeza amakhasimende ethu amaningi indlela elula yokufinyelela emikhiqizweni yabo,”kusho uChris Theron.
Amakhasimende esitolo esiphambili sakwa-Boxer KwaMashu akasazohlupheka ukubheka ezinye izindawo azothenga kuzo ukudla ngoba sesikhona isitolo sakwaGalito’s, ngaphkathai kwaBoxer.
“I-Boxer KwaMashu iyindawo ekahle yokwethula lokhu kubambisana okuyingqayizivele. Kungakhathalekile ukuthi isivakashi siza kwa-Galito’s bese siya kwa-Boxer, siyazuza kulokho okulula, inani elinenani elifanele kanye nesevisi enobungane ehlinzekwa kokubili e-Galito’s nase-Boxer. Kungukuwina komthengi wethu, futhi leyo yinhloso enkulu yazo zombili izinhlobo, kusho uMqondisi Ophethe weGalito’s uFrancois Rousseau.
Izakhamuzi zaKwaMashu ebezifuna ukwazi zithutheleke emcimbini wokuvulwa ngokumsethethweni obungoMsombuluko ekuseni. Abaningi baphawule ukuthi kube yisimangaliso ukubona isaziso ebesimayelana nokusebenzisana kwalezi zitolo zomb ili ngaphansi kophahla olulodwa.
“U-Boxer usuvele unginikeza amadili angcono kakhulu, manje sengizokwazi ukuphinda ngibambe iGalito’s ngisendleleni yokuphuma! Yilokho kanye engikufunayo!” Kusho uGodfrey Mhkize obethenga ngesikhathi kuvulwa isitolo.
Njengoba kunezitolo zakwa-Boxer ezingaphezu kuka-380 emazweni amabili kanye nezingu-220 zakwaGalito’s emazweni angu-17, lezi zinhlobo ezimbili eziqhenyayo ngokuba zizalelwe eNingizimu Afrika zigxile kokuthile okukhulu futhi kubukeka sengathi amakhasimende asazojabula!
