USIHLALO wekomidi elibhekele imisebenzi yomphakathi, uKhansela Zama Sokhabase, usenxuse osomabhizinisi nemiphakathi yasendaweni ukuthi yeseke abesifazane basemakhaya ekukhiqizeni ezolimo. Uthe laba besifazane baneqhaza elibalulekile emnothweni wasemakhaya, edolobheni nasesifundazweni.
Lokhu ukusho ngesikhathi ethula inkulumo emcimbini wokugubha usuku lwabesifazane basemakhaya, eThekwini International Day of Rural Women obubanjelwe KwaMnamatha ku-ward 103 entshonalanga yeTheku. “Laba besifazane babamba iqhaza ekukhiqizeni izitshalo, ukufuya, nakweminye imikhakha yokulima eyeseka umnotho,” usho kanje. Uthe izinhlangano ezifana neBongumusa Widows, okuyinhlangano engenzi nzuzo, zidinga ukwesekwa ukuze ziqhubeke nomsebenzi omuhle eziwenzayo emiphakathini.
