KULINDELEKE ukuthi ihholo lebandla, iKingdom Life Ministries International (KLMI), eThekwini, ligcwale phama abesifazane bezothola ulwazi ngezinselelo ezahlukene ababhekene nazo embathanweni ozokuba ngoMgqibelo,Meyi 7, kusukela ngo-10 ekuseni.
Lokhu kuzobe kuyingxenye yezinhlelo zokulungiselela umbungazo woSuku loMama, iMothers Day oluzoba ngeSonto, Meyi 8 oluzobe lugujwa ezweni lonke. UMphostoli Lungi M ohlele lombuthano wetiye labesifazane elizobe lisezingeni eliphezulu, i-Ladies High Tea-Women In Convesation, uthe kuningi abazobe bekudingida bengabantu besifazane abazophuma behlomile ngamasu enqubekela phambili. Lombuthano uzoba sesakhiweni salaleli bandla ekhoneni lemigwaqo uStanger noWest, kunombolo 100 Stalwart Simelane Street, enkabeni yedolobha iTheku. Ingqikithi yosuku izobe ithi, “Empowered, Focused & Submissive”. Abazobe behambele lelitiye kulindeleke ukuthi bagqoke izicathulo ezingama-heels ngokunjalo nezigqoko ezimihelana (hats).
Phakathi kwabesifazane abalindelekile kulombuthano yilabo asebelahle ithemba ngempilo yabo, abahlukumezekile emoyeni, abangakashadi kodwa asebelindele ukungena emshadweni, yilabo abangamasingili, abesifazane abashadile kanye nabadovosile. Abafuna ukungena emkhakheni wezamabhizinisi, abanezinkinga ebudlelwaneni, abasendleleni ebheke esahlukanisweni kodwa abadinga ukucathuliswa abanezingane kodwa abangashadile kanye nabafelokazi kanye nabamababhizinisi kodwa abafuna izindlela zokuwathuthukisa. Okunye okuphawulekile ukuthi kuzobe kungenwa mahhala, mayelana neminye imininingwane kungashayelwa ku- 031-305 0888/ 0795874974 ngezikhathi zomsebenzi.
