BELIKHIPHA umkhovu etsheni ngoLwesihlanu ngesilkhathi izinkumbi zamakholwa nabefundisi bamahlelo ahlukene eMbo, ku-ward 8, entshonalanga yeTheku, enohambo lomkhuleko bekusuka ezindaweni azahlukene baphelelela eshashalazini elisemagcekeni esonto labaPhostoli, eRiverview, KwaNqetho.
Lomkhuleko uhlelo lwawo obeluphethwe nguPastor Mandla Khuluse ubuqhamuke ngombono kaMfundisi Thami Zaca webandla i-Embo Christ Ambassadors Fellowship Church wawusebenza ngokuhlanganyela noPastor Evan Cockcroh webandla iHillside Church owethule izwi lenkosi kanye nabanye abefundisi baseMbo. Cishe ubuhlanganise abazalwane bamahlelo ahlukene angaphezulu kwangu-11, amalungu awo abesukela ezikhungweni akhonzela kuzo. Phakathi kwamalungu amahlelo amabandla ahlukene kubalwa awe-Embo Christ Ambassadors Fellowship Church, Unity Power Ministries ngaphansi kukaPastor Magwaza, Hillcrest Presbyterian Church, Embo Grace Worship Centre ngaphansi kukaPastor Maxwell Lukhele, New Dimension Bible Centre ngaphansi kuka-Apostle Mkhwanazi, Hope of God Community Church ngaphansi kukaPastor KD Shange, Embo Community Church ngaphansi kukaPastor Gcabashe, Posselt Memorial Lutheran Church ngaphansi kukaSithembiso Blose kanye neChristian Fellowship Church In Africa ngaphansi kobuholi buck-Prof. Archbishop JM Ncube.
Lomkhuleko umkhuluko wawo wokuvulwa owenziwe uPastor B Smith, ubuhlanganise zonke izinhlanga ezakhele u-ward 8, okubalwa olwabelunguc, abamnyama nobekukhulekelwa kakhulu ukubuyisa ithemba nokwethembana phakathi kwezinhlanga ezahlukene kanye nosomabhizinisi njengoba kuke kwaqubuka izibhelu zangoJulayi ezazihambisana nokutapa impahla kanye nokucekela phansi namanye amabhizinisi okwangqongqiswa ngomlilo. UMnuz D Gould usomabhizinisi bekanye noPastor T Paw obuye abengusomabhizinisi ngokwehlukana kwabo bethule izinkulumo ezibuyise ithemba nokudala amathuba omsebenzi ku-ward 8. Ezinye izikhulumi nabaxoxe naleli phephandaba zibonge kakhulu umbono kaNkulunkulu oqhamuke noPastor Zaca wamukelwa ngabanye abaholi bamabandla okuphethe ngokuthi kube nalomkhuleko obuwenziwa ngaphansi kwesiqubulo esithi, “EMbo For Jesus-Insali Isekhona”.
UMnuz Marco Mbambo, i-ANC efolose ngaye kwesobukhansela kule ward obemele iKhansela,uKhansela Themba Shelembe, ongakwazanga ukuba yingxenye yalomkhuleko ngenxa yeminye imisebenzi, uthe, “Sibonga lelithuba esilitholile oskwini lamahlanje (esho ngoLwesihlanu). Leli kube yithuba elibalulekile kithina njengomphakathi waku-ward 8, ngoba ukubizwa abantu bamabandla ahlukene bakhombisa ukuthi bayawunakekela umphakathi waku-ward 8”. “Sidlulisa kakhulu ukubonga nokujabula emabandleni ukuthi singagcini kuphela ngokuzwa ukuthi kukhona izidumo ezenzekile kodwa bazi ukuthi umphakathi waku-ward 8 bangawugqugquzela ukuthi uhlangane noJehova, uthathe imiphefumulo yawo iwubeke kuJehova. Sifisa ukuthi njengoba kwenzekile siwuxhase lombono, singawubukeli phansi, kodwa senze isiqiniseko sokuthi uyakhula unyaka nonyaka,”kusho uMnuz Mbambo.
