ITHIMBA elibhekele ukuthuthukisa kwezokuvakasha eClermont naKwaDabeka entshonalanga yeTheku libe yingxenye yabantu abahlanganyele nezincithabuchopho kwezokuthuthukiswa komkhakha wezokuvakasha embuthanweni obuseGauteng.
Lokhu obekuhambisana nohlelo lokubungaza inyanga yamaGugu kanye nokuthuthukisa umkhakha wezokuvakasha nokuthi ubudlalwane bamalokishini ezifundazwe ezahlukene benginziwa kanjani, bekungokokuqala ukuthi kube nethimba leClermont and KwaDebeka Tourism Organisation ukuba liyothekela ulwazi ngokwenzeka kwezinye izifundazwe. Phakathi kwabebeyingxenye yalolu hlelo oluthathe izinsuku ezimbalwa, kubalwa uSihlalo weClermont and KwaDabeka Tourism Organisation, uMnuz Chris Phili, amalungu esigungu, uNks Nelly Khumalo iphini likasihlıalo kanye noNkk Sylvia Mayeza umgcinimafa (abasesithombeni). Bahambele izindawo eziwumlando nezithathwa njengezingamagugu elokishini eSoweto, eGoli. Ephawula uMnuz Phili ngalolu hambo uthe lungi ulwazi abalutholile oluzobenza bakhuthale ekuqhubeni umsebenzi wokuthuthukisa ezokuvakasha.
Uthe abakuqaphelile ukuthi uma beqhubeka nokwakha lobubudlelwano kuzokwazi ukukhulisa ulwazi ngamabhizinisi nangempila yalamalokishi omabili, iClermont/KwaDabeka kanye neSoweto. “Impilo ephilwa kuleliya lokishi nephilwa emalokishini esiphuma kuwo sifuna ukuthi ibonakala ithekelana ngoba kuningi esikufundile, nangezindlela nje zokuhweba ngokushintshana ngemiqondo ukuze ukhule,’kusho uMnuz Phili.
