UDUNANKULU waKwaZulu-Natal, uNkk Nomusa Dube-Ncube, uNdunankulu waseBarbados Mia Mottley, uNkk Gracà Machel nezinye izicukuthwane bavakashele ithuna likaDkt John Langalibalele Dube oHlange, eNanda, beyobeka izimbali, ngeSonto.
Lokhu kwenzeke ngemuva kokuba uNdunankulu uMottley ecele ukuvakashela ithuna likaDkt. Dube ayomhlonipha ngokubeka izimbali. Ukwenze ngemuva kokwethula isifundo seminyaka engu-20 ngowayenguMengameli we_ANC, uDkt. Nelson Mandela e-Inkosi Albert Luthuli Interntional Convetion Centre (ICC). UDkt Dube owaduma ngelikaMafukuzela, ungomunye wabasunguli be-ANC nowaba nguMengameli wayo wokuqala.
